Во рамки на проектот “ECOWORK+, од 19 до 22 ноември 2024 година во Бурса, Турција, ќе се одржи младинска мобилност. Оваа мобилност е одлична можност за младите кои сакаат да учествуваат во развој на тренинг материјали за обука со физичко присуство и онлајн, особено во полето на вертикалното земјоделство, одржливо производство на храна и зелено претприемништво.
За време на оваа мобилност, учесниците ќе работат на креирање иновативни едукативни алатки, кои ќе се користат за идните обуки во ECOWORK+. Преку интерактивни сесии, тимска работа и размена на идеи, учесниците ќе стекнат нови методолошки вештини и ќе научат како да ги развијат и адаптираат тренинг материјалите за различни целни групи. Дополнително, ќе имаат можност за вмрежување и соработка со млади од Португалија, Романија, Грција, Турција, Австрија и Албанија.
- Траење на мобилноста: 4 дена (19-22 ноември 2024)
- Денови за патување: 18 и 23 ноември 2024
- Возраст: 18+
Доколку сте заинтересирани да учествувате во создавање на иновативни образовни обуки, ова е вашата можност! За повеќе информации и пријавување, контактирајте нè на cdi.zivorad@gmail.com или телефонски на 071 319 316.
