Здружение Институт за рaзвој на заедницата (ИРЗ) Тетово – Македонија e национална мрежа за одржлив развој, образование и социјални услуги. Во текот на своето 27 годишно работење, ИРЗ има имплементирано голем број на проекти и активности во Македoнија и странство, соодветно на потребите на целните групи.
Во делот на програмата за заштита на животната средина, ИРЗ активно работи на зголемување на свеста за користење на обновливи извори на енергија, прeд се сончевата енергија. Во соработка со Здружението Solare Zukunft од Германија и со финансиска поддршка од Германската Фондација за Заштита на Животна Средина (DBU), Здружение ИРЗ го имплементира проектот “Нашиот Нов Дом”, чија што цел е да го доближи концептот за енергетски задруги до граѓаните на Македoнија и да го поддржи процесот на нивното формирање.
Во рамките на проектот, Здружение ИРЗ објавува повик за финансиска поддршка на енергетски задруги за инсталација на фотонапонски централи. Во рамките на оваа проектна компонента финансиски ќе бидат поддржани најмалку 4 енергетски задруги во Македонија, и покрај финансиска поддршка, за нив ќе се обезбеди менторска поддршка, студиска посета во Германија и обука на лице место за одржавање фотонапонски централи.
Ако сакате да дознаете повеќе за повикот и сакате да аплицирате истото може да го направите на следната врска.
